اللهجة الفلسطينية

بعض المصطلحات الفلسطينيه بعض المصطلحات اصبحت منسيه والبعض لايزال يستخدم هذة المصطلحات

بنكيت = الرصيف في الشارع

البيارة = المزرعة

ككسة = كيكة

الكوربة = راس الشارع = لفة آخر الشارع

ضاوي = فاقد = ما بفهم اشي

براد = بكرج = إبريق بنقول براد الشاي أو بكرج الشاي (الترمس)

شُشْبَرك = طبيخ مرات وهي عجين بنحشي لحمة أو كفتة مفرومة وبنطبخ مع اللبن

بشكير = منشفة اللي بنشف فيها وجهنا على الصبح

فرشة = معناتها فراش بس احنا بندلعها فرشة هههههههههه

ابطيني =يعني جوعان (الله يرزقه ويرزقنا)

بابور = دافور

مخدة = وسادة

زرفيل = قفل الباب

اقلط الشارع = اقطع الشارع

عشرطعش = يقصد فيها الكثرة من الشئ

تخت = سرير

رمزون = إشارة مرور ضوئية

كلنس = محارم

سطل = جردل = دلو

هواية = مروحة

نونة = يعني شوي

نتفة = اقل من شوية هههههههه

ونجك حالك = يعني سنع حالك

روق يا ضاوي = يعني وحد الله يا مجنون ههههههههههه

على بلاطة = يعني من الآخرع الحديدة (يعني مفلس

كوشي = يعني اسود

شكشوكه = (اكله ) بندوره وبيض

بابوج = شبشب

معصلج = مزرجن = مش راضي أو بمعنى آخر راكب راسه

مقلمة = علبة الأقلام اللي بكون شايلها الطالب تاع المدرسة

فورسة = فسحة اللي في نص الحصص في المدرسة

كنتين = كافتيريا المدرسة

صف = فصل المدرسة

الدالية = هي شجرة العنب

يقال تعال نقعد تحت الداليه بمعني هيا بنا نجلس تحت شجرة العنب

الزغيرة = الزغنونة = صغيرة

جمطة = يعنى ما بتنبلع = ما تنزل من زور

طشه = يعني فسحة او طلعة علي البر او علي البحر
اجنص = لنج =جديد

مواسرجي = السباك ... الرجل الذي يقوم بتصلح االمواصير

حنفية = صنبور=

مية متلجة = مياة مثلجة

ورا الدار = خلف البيت

قاع الدار = الجزء الامامي للبيت

قزاز = زجاج

سيرج = زيت الذرة او زيت عباد الشمس

سقاطة = حصالة

قداحة = ولاعة

بربيج = خرطوم المياة

لنش = سفينه صيد اسماك كبير

حسكة = سفينة صيد صغيرة

شياطة = الاداة المستخدمة في التزحلق على امواج البحر

زمور = منبه السيارة ؟(البوري

كوربة = التفاف الشارع .. تقاطع يعني

منقرز = محتاج الى سيجارة

مخرمن = محتاج شاي او قهوة ههههه

شخبطة = خرابيش شخاميط

شقلب وجهك عني= يعني ما بدي اشوف خلقتك

سبهللة = يعني بدون مسؤولية

افتح مخك وطقطق دنيك = ركز معي الله لايسيئك

تلقحيه = متطفل ,حشري

دكانة = سوبر ماركت,بقاله

نتخرف = ندردش مع بعض,نسولف

ام العبد و ابو العبد = اسم فلسطيني قح

قح = عالاخر

فرم الشاب = طحنه = خلاه زي الطحينه()

فعص في بطن الشاب = غفص بطن الشاب عطاة لكمه

جلدة راسه خميله = عبيط,غبي,

بدكاش = ما بدك

شاكوش = مطرقة

فطبول = كرة قدم

طقية = قبعة

شمر = ارفع البنطلون او الجلبية وافكح(افزع)

قرفان = واحد مش طايق حالو بالمرة

سك عالدم = يعني انسى ومش فايقلك

برقان = برتقال بس الواحد بيكون مستعجل

بوزك = وجهك

زير = الاناء المصنوع من الفخار يوضع في الماء

قشاط = اللى بيكون على البنطلون(سحاب الجينز)

طنجره = القدر

شقفه = حته قطعه

يع = يعنى قرفان من اشى

اوعى تتزحلق = يعنى تندب دير بالك فى صابون على البلاط
الخوصة = السكين

شرشف = ملاية

جربان = شراب ( في الرجل بلبسوه )

ليدن = علكة

احلقلو = طنشه ,لاتهتم له

ترللي = مهوي = اهبل,,مثلا سعيد ترللي ,يعني سعيد اهبل ,خخخخ

يجاكر = يعاند

زبدية = صحن من الفخار لعمل الدقة الغزاوية

ورق دوالي: ورق عنب

قمباز = لباس فلسطيني يلبسه الختارية

سجرة = شجرة

اسكومية = يعني ايس كريم هههههههه ( الدلع )

الفرشوحه = يعني سندويش الشاورما بالغزاوي القح

ريحة : يعني عطر

قصافة = يعني مقص أظافر

هلأ = الان = هسا = الحين بالفلاحي

مستهلسكو = يعني مش معبركو

مطعوج = معووج

فشكة = علبة الرصاصة الفارغه.....

ازعق عليه = نادي عليه,اندة له

ضلك كاوي = ضلك ماشي على طول (طوالي ,سيدا )

يختي = اسلوب نداء للمؤنث

يخو= اسلوب نداء للمذكر

بعكش = فتش = ابحث = دور

بسكليت = يعني دراجة,سيكل

بنكش راس= بمزح

أنطي = معلمه =أبلة

عرسة= فأر كبير اللهجة الفلسطينية M-s8

تسلمي حبي على الموضوع الجميييل
وهي فعلا البعض منها منسي والبعض لازال هناك
من يستخدمه
مشكوورة حبي موضوع بقمة الروووعة

العفو

ومشكوورة على المرور

نورتي الموضوع

یسلمو یاقمر

وفي بعض منسي وبعضهم موجود لحد الان

احلی شي تبعت الایس کریم

هههههه

العفو

مشكوورة على مرورك

يسلموو كتيير
بس حابه اصحح كلمتين الاولى
فشكة:معناها الرصاصة
قشاط:السير او الحزام اللي بنثبت فيه البنطلون او الجينز عشان ما يوقع احنا وماشين (ههههههههه)
وتقبلي مروري مع الشكر

هههههه

مشكووورة على المرور والتصحيح يا عسل

» أدخل وتعرف على الفتاة الفلسطينية